媽媽係一個教材fans,喺上一年書展就買咗一套樂智高Logico益智遊戲比兩千金玩.但係全套教材都幾貴,要$3,000左右(實際價錢唔記得),所以當日只係買咗一部份,大約花費$600-$700左右,有6本習作加一個遊戲架.其實係訓練小朋友觀察力,推理,算術等等,習作係大部份圖加小部份英文字.
買咗套教材之後,媽媽再喺網上搵到其他資料,發現完來國內亦有出同款教材,名字是邏輯狗(好搞笑的名字),整套教材32本習作加兩個架,價錢係$480人仔
.比香港的平多了,所以最近再買埋邏輯狗,媽媽發現邏輯狗同樂智高係一模一樣嘅,只不過係香港用英文,但係國內用簡體字,由於遊戲的設計文字只佔好小部份, 大部份都係圖案,而兩款係一樣的,所以如果大家都考慮購買這教材,我都會建議買邏輯狗,因為實在平好多,玩法一樣.
最初樂兒唔係好鍾意呢個遊戲,可能係當時大細個,唔係好明白同埋我又唔係好識點樣開始,最近用轉用邏輯狗同佢玩就可以喇,因為邏輯狗有家長指南,完來可以以講故事形式咁引導小朋友,因為習作裡面有兩個主角的,耐心的嘗試,小朋友就會喜歡了.
適合3-8歲的小朋友玩
全站熱搜
留言列表
